PAGE-18
આતિશના મમ્મી અચાનક મૃત્યુને વર્યા હૈયે કાળઝાળ બળતરા લઈને અને એક દિવસ પેલી ફુગ્ગાવાળી સાથે આતિશ પરણી ગયો ….
ઓસ્ટ્રેલિયામાં તિલોત્તમા ના વિઝા ની મુદત પૂરી થઇ અને ફરજીયાત તિલોત્તમાબેન એ ઓસ્ટ્રેલિયા છોડયું…અને અમદાવાદ પાછા આવ્યા …
ફુગ્ગા વાળી જોડે રહીને આતિશ દેશી દારૂ પણ પીતો થઇ ગયો હતો,રોજ દિવસમાં એક વાર દુરથી તિલોત્તમાબેન ના ફ્લેટ ને જોઈ લેતો,અને રાત્રે લાઈટ ચાલુ થઇ કે નહિ એ ચોક્કસ ચકાસી લેતો ….
એક રાતે લાઈટ દેખાઈ તિલોત્તમાબેન ના ફ્લેટમાં , કશું જ વિચાર્યા વિના પોહચી ગયો..બારણું ખખડાવ્યું .. બારણું ખુલ્યું પણ એકદમ નખાઇ ગયેલા તમામ વાળ ધોળા અને ક્ષીણ થઇ ગયેલા તિલોત્તમાબેન સામા આવ્યા..ધીમે પગલે ખુલ્લું બારણું મૂકી અને તિલોત્તમાબેન અંદર જતા રહ્યા ..આતિશ અંદર ઘુસ્યો …તિલોત્તમાબેન સીધા એમના રૂમ માં જતા રહ્યા.. આતિશ પાછળ પાછળ આવ્યો .. ક્યારે આવ્યા..?? આજે વેહલી સવારે .. કેમ આવ્યો તું અહિયાં ..
ખાલી મળવા પેહલા આવતો હતો તેમ… ના આવે તો સારું હવે મારા શરીર માં કઈ રહ્યું નથી … એ તો પેહલા પણ ક્યાં હતું ..? સારું થયું કે તને ખબર પડી … જ હવે ઘેર જા તારા મમ્મી રાહ જોતા હશે …
એ મરી ગયા ..મેં લગ્ન કરી લીધા છે પેલી ફુગ્ગા વાળી જોડે …
સારું થયું તને ઘરમાં એકલું નહિ લાગે …
લગ્ન ખાલી એકલું ના લાગે એના માટે જ કરવાના હોય છે ..???
તિલોત્તમાબેન એ જવાબ ના આપ્યો ..
તમારે મને જવાબ તો આપવો પડશે .. કેમ મારી સાથે તમે રમ્યા ..??
આતિશ મને માફ કરી દે બે હાથ જોડી અને એકદમ વૃદ્ધ તિલોત્તમાબેન ઉભા રહી ગયા ..શા માટે માફ કરું તમને ..?? પેહલા તમે ગુનો કયો કર્યો એ કહો ..
તિલોત્તમાબેન માટે તો એક નવો સવાલ હતો …કાલે તને લીસ્ટ આપીશ મારા ગુના નું બસ પણ આજે મને છોડ …
ના તમે કયો ગુનો કર્યો એ મારે જાણવું છે અને પછી માફી માંગો … બોલો કયો ગુનો કર્યો ..??
આતિશ નથી ઉભા રેહવાતું મારાથી ..એમ કરીને તિલોત્તમાબેન પલંગ માં ફસડાઈ પડ્યા .. આતિશે ધીમે થી એમને સુવાડ્યા .. અને કડક અવાજે બોલ્યો ચાલો હવે બોલો …કયો ગુનો કર્યો..??
તિલોત્તમાબેન ના શ્વાસ ફૂલવા લાગ્યા એ નક્કી નોહતા કરી શકતા હજી પણ કે કયો ગુનો કર્યો હતો …છતાં પણ હિમત ભેગી કરીને બોલ્યા ..તારી જોડે શારીરિક સંબંધ બાંધ્યો એ ગુનો આતિશ …ના એ તો ગુનો થોડો હતો એમાં તો આપણે બંને એ મજા કરી ….તો પછી મેં બીજો કયો ગુનો કર્યો છે તું જ કહે આતિશ
શીંગ નું પડીકું/PAGE-18/ શૈશવ વોરા
WWW.SHAISHAVVORA.COM
[su_button url=”http://shaishavvora.com/khari-sing-19/” target=”blank” size=”4″]Continue to Page – 19[/su_button]