ચેનલ વાળા ની હડતાલ ….
ચેનલ નું યુદ્ધ … અને ખો નીકળ્યો મમ્મી ઓ નો …. બે દિવસ ની હડતાલ પડી ચેનલ વાળા ની અમદાવાદ માં ગઈ કાલે અને આજે , છોકરા ને ખવડાવવું કેવી રીતે ..? સાસુ ને શાંત રાખવા કેમના ? વર ની ફરમાઈશો વધી ગઈ ન્યુઝ અને ક્રિકેટ વિના નો ઘર માં વર નક્કામો… કટકટ કર્યા કરે …
કેટલા બધા પ્રોબ્લેમ નું એક જ સોલ્યુશન ટીવી અને એની બસ્સો ચેનલ … બપોર ની પેલી સાસુ વહુ ના કાવતરા અને પેલી જોધા ,મેહતા , પ્રતાપ ,અક્ષરા … આ બધા નું શું થાય હવે આ બધા વિના બે દા `ડા કાઢવા કેવી રીતે ..? હશે એક ગયો અને બીજો અડધો ગયો અને રાત પણ જશે…..
પણ આ બધું થયું કેમ …?? પેહલા તો સમજીએ આ ચેનલ આપણા ઘેર આવે કેમની ..? મોટા ચેનલ ઓપરેટરો અમદાવાદ માં બે … ઇન કેબલ અને જીટીપીએલ આ બંને એન્ટેના થ્રુ હવા માંથી ચેનલ ને નીચે એમના સર્વર રૂમ માં ઉતારે પછી ત્યાંથી આપણા એરિયા વાળા ચેનલ વાળો જેમના નામ શક્તિ ચેનલ ,કે જગો ચેનલ વાળો , કે મુકો ચેનલ વાળો, કે મુન્નો ચેનલ …. એવા દરેક એરિયા માં એક એક હોય ,એ જગો ચેનલ વાળો આપણે ઘેર પેલા બે મોટા ઓપરેટર પાસે થી ચેનલ લઇ ને વાયર થી ચેનલ મોકલે ..અને પૈસા પણ જગો ..જ લઇ જાય … લઇ જાય મહીને અઢીસો કે સાડા ત્રણસો રૂપિયા ,ચેનલ કે સેટ ટોપ બોક્ષ બગડે તો આપણે જગા ચેનલ વાળા નું લોહી પી જવાનું …દિવસ માં દસ ફોન કરવાના ….
હવે પ્રોબ્લેમ ક્યાં થયો ..?? સ્ટાર અને ઝી જેવા મોટા ગ્રુપ જેની સ્પોર્ટ્સ , ક્લાસિક ,પ્લસ ,સિનેમા કે દુનિયાભર ની ચેનલો જેમાં આગળ સ્ટાર કે ઝી લાગે એ બધા એ દરેક ચેનલ દીઠ જુદો ભાવ નક્કી કર્યો …એટલે સ્ટાર સ્પોર્ટ્સ ના પૈસા અને સ્ટાર ટીવી ના પૈસા જુદા ઝી ટીવી અને ઝી સિનેમા ના રૂપિયા જુદા ભરવા ના સ્ટાર ની કે ઝી ના એક ચેનલ ના પૈસા ભરો તો બધી ચેનલ ના આવે … પણ મોટા ઓપરેટરો કોર્ટ માં ગયા કે આવું ના ચાલે અમે એક ના પૈસા ભરીયે તો બધી ચેનલ અમને બતાડવા દો ….
કોર્ટ માં એ લોકો હારી ગયા કોર્ટે કીધું ના ચાલે ભાઈ એ તો સ્ટાર અને ઝી વાળા નો માલ છે …..એમને મામા જોડે ભાણિયો ના આપવો હોય તો ના પણ આપે …મામા ભાણીયા ના અલગ અલગ પૈસા માંગે તો આપવા પડે …મોટા ઓપરેટરે ભાવ વધાર્યા ….
મોટા ઓપરેટર લોકો થોડા આગળ આવ્યા એમણે જગા કે શક્તિ ચેનલ વાળા ને એવું કીધું કે જગાભાઇ અને શક્તીભાઈ તમારે તમારા … મારા તમારા જેવા એન્ડ યુઝર પાસે થી ત્રણસો પચાસ રૂપિયા મહિના ના લેવા ના અને મને ત્રણસો આપવાના , એટલે જગા અને શક્તિ બંને ચેનલ વાળા ભાઈ ભડક્યા કે આ મોટા તો અમને ધીમે ધીમે ખાઈ જશે .
તમે કહો એટલા રૂપિયા જ અમારે લેવાના ..? એવું કેમ ..? તમે તમારો માલ એટલે કે ચેનલ અમને આપી હવે એ ચેનલ કે માલ અમારી થઇ અમારે અમારો માલ જે ભાવે વેશ્વો હોય તે ભાવે વેચીએ તમારે શું હક્ક છે અમારે શું ભાવે એ ચેનલ વેચવી એ નક્કી કરવા નો ?? બબાલ ચાલુ થઇ ..અને બીજી બીક એ જગા શક્તિ ને એ પેઠી આ તો ..અમારો ધંધો હડપ કરી નાખશે મોટા ઓપરેટરો…..
એટલે એના વિરોધ માં આ હડતાલ પડી ……..બે દિવસ ની પ્રતિક હડતાલ પર મોટા ચેનલ ઓપરેટરો ની સામે જગા ભાઈ શક્તિ ભાઈ અને અમદાવાદ ના બધા ચેનલ વાળા ભાઈઓ હડતાલ પર છે ..
અને
મારા મિત્રો બધા અર્ણવ અને રજત શર્મા વિના સુના છે , કોઈ ક્રિકેટ વિના ….
મેં આજે મારા સ્વજનો ના ઘર ગણવા નું નક્કી કર્યું છે … આ ટીવી વિના કરવું શું કઈ પ્રોગ્રામ બહાર નો ગોઠવો … હેરીટેજ વીક છે રખડીયાવો …
મારો ચેનલ વાળા ને ગોળી … બીવી તો છે ને યાર ….
એન્જોય
– શૈશવ વોરા
