Page 15
“રાહિલ રાકેશ પટેલ અને મીશા રાકેશ પટેલ કે જેઓ રાકેશ નટવરભાઈ પટેલ ,માલિક ભારત સોપ વર્કસ અને રેહવાસી ઉસ્માનપુરા ના સંતાનો છે , તેમણે ગત રાત્રે તેમના માતાપિતાની ગેરહાજરીમાં પોતાના પિતાની માલિકી ની ગાડી એમની મંજુરી વિના બાહર મધ્યરાત્રીએ કાઢી અને પછી શાહઆલમ પાસે મીશા પાસેથી ચૌદ વર્ષના રાહિલે ગાડી ચલાવવા લઇ લીધી અને પછી બેફામ રીતે ગાડી હંકારી ને ફૂટપાથ ઉપર ચડાવી દીધી અને તેમાં ફૂપાથ ઉપર સુતેલા ચૌદ મજુરોમાંથી બારને કચડી નાખી અને મૃત્યુ ના હવાલે કર્યા છે , પોતાના ભાઈનું આ કૃત્ય છુપાવવા માટે સૌ પેહલા તો મીશા એ પોતાના ભાઈ રાહિલ ને અને પોતે ગાડી હંકારી ગયા પરંતુ રીવરફ્રન્ટ ઉપર તેમની સાથે ભણતા શુભમ ને જોઈ અને મીશા એ આખો આરોપ શુભમના માથે મઢી દેવાનો વિચાર કર્યો અને ગાડી ઉભી રાખી પણ શુભમે ગાડીમાં ના બેસતા રીવરફ્રન્ટથી દુર માણેકબુરજ પાસે આવેલી ડોકાબારી ઉપર બેઠેલા દીપ તરફ ઈશારો કરતા મીશા દીપ ને પોતાની ગાડીમાં બેસાડી અને પોતાના ઘરે લઇ ગઈ જ્યાં મીશા એ દીપ સાથે જબરજસ્તી શારીરિક સબંધ બાંધવાની કોશિશ કરી પરંતુ દીપ ના ઇનકાર ને કારણે મીશા તેમ સફળ ના થઇ અને તે દરમ્યાન રાહિલ પણ તેમના ઘરે આવી ચડતા દીપ ને ફ્લાવર વાઝ મારી અને જાનથી મારી નાખવાની બંને ભાઈબેહને કોશિશ કરી અને સ્વ બચાવમાં દીપ એ રાહિલના બંને હાથ મચડી નાખ્યા અને મીશા ને માર માર્યો છે ..
દીપ , મીશા અને રાહિલ ને લઈને ફરી એકવાર પોતાના મિત્ર શુભમ ને શોધવા રીવરફ્રન્ટ આવ્યો અને એ દરમ્યાન પોલીસ કુમક આવી પોહાચતા ચારેય ને પોલીસે પોતાના કબજે લીધેલ છે..
રહિલ અને મીશા ની સામે સદોષ માનવવધ નો ગુન્હો દાખલ કરેલ છે જયારે દીપ અને શુભમ ના બયાન લઈને તેમને સાજા થયે સિવિલ સર્જનની સલાહ પ્રમાણે હોસ્પીટલમાંથી મિક્ત કરવામાં આવશે ,દીપ ને નાનકડી માથા ના ભાગે ઈજા છે ,રહિલ ને પણ બંને હાથ ફ્રેકચર છે અને મીશા સાધારણ ઈજા પામેલી છે..શુભમ આ બધું જોઇને આઘાતમાં છે તેને કોઈ શારીરિક ઇન્જરી નથી..!”
અમદાવાદના નહિ પણ ભારતભરના છાપા ,મીડિયા અને સોશિઅલ મીડિયા ગાજી ઉઠ્યા આ હીટ એન્ડ રન ના હાઈ પ્રોફાઈલ કેસ થી , કેમકે રાહિલ-મીશાના દાદા નટવર પટેલ ભારતના એક થી દસ નંબરમાં આવતા ધનકુબેર હતા..!!
આખી ઘટના ને ત્રણ અઠવાડિયા ગયા, દિવાળીની રાત આવી ગઈ, દીપ અને શુભમ પોલીસ અને પ્રેસ ના લફરાંમાંથી બાહર આવ્યા અને બંને જણા ફ્રેશ થવા સેલોંમાં વાળ કપાવા ગયા..બંને બાજુ બાજુ ની સીટમાં બેઠા હતા ..
શુભમ બોલ્યો એ મારી દાઢી ના કાપતા ..
દીપ બોલ્યો મારી દાઢી વાળ બધું કાપી કાઢો ..
એટલે એમના કેશકર્તન કલાકારે પૂછ્યું કેમ અલ્યા તમારા બંનેની ગંગા આજે ઉલટી વહી રહી છે..?
શુભમ બોલ્યો તું નહિ સમજે બે..આ દાઢી એ દીપ`ડા ને બચાવ્યો છે , એની વર્જિનીટી ની જીદ ના હોત તો બધાય ઇલ્જામ વત્તા રેઈપ કેસ બધું એની ઉપર લાગી ચુક્યું હોત એટલે હવે મારા આજથી બધા અવળા સીધા ધંધા બંધ..
અને દીપ બોલ્યો મારા ચાલુ
– શૈશવ વોરા
Previous Page | Next Page
