Page 2
આ બંને છોકરાઓ વચ્ચે સ્કુલ ટાઈમ થી દોસ્તી હતી અને આજના જમાના પ્રમાણે એમના બંનેના માંબાપ એ કસમ ખાધી હતી કે એક ઉપર બીજું છોકરું નહિ જ જોઈએ ,એટલે બંને પોતાના માંબાપ ને એક ના એક છોકરા હતા એના કારણે એમને સીબલીંગ વોર મળ્યું નોહતું.. અને ભાઈ કે બેહન નો પ્રેમ પણ નોહતો જોયો..
બંને છોકરા નાનપણથી જ એકબીજા સાથે વાર તેહવારે ઝઘડી લેતા અને પાછા ભેગા થઇ જતા..પોતાના જીવનમાં રહેલી સગ્ગા ભાઇબેનની કમી પૂરી કરી લેતા..!!
સિત્તેરની સ્પીડે આરામથી મસ્ત મસ્ત મદહોશ કરી મુકે એવી ઠંડી વા`તી હવાની મોજ લેતા લેતા સિંધુભવન રોડ ઉપર બાઈક ચલાવતો શુભમ બોલ્યો .. અલ્યા દીપ`ડા ગધેડીના ત્યાં તારી કહું એ રીવરફ્રન્ટ ઉપર છે ? તો તને અત્યારે અડધી રાતે તારે રીવરફ્રન્ટ જવું છે ગેલસપ્પા, અહિયાં આ બધી હરિયાળી જો ને , ચલ ત્યાં પેલી પીજી વાળી ને ત્યાં ના જવું હોય તો કઈ નહિ હેન્ડ કોફી ક્રશમાં પેલી જીનાલી ને એની જોડે બીજી ચારનું `બંચ` બેઠું છે એમાંથી એકાદી પટાઈ લઈએ..!! ટાઈમ નીકળી જશે..એણે અબીહાલ ફેસબુક ઉપર ચેક ઇન સ્ટેટ્સ નાખ્યું છે..
દીપ અકળાઈ ને બોલ્યો ..શુભલા તારી જિંદગીમાં બીજું કશું છે જ નહિ ? તને છોકરીઓ સિવાય બીજું કઈ સૂઝતું જ નથી બે..?
શુભમ સેહજ અકળાઈ ને બોલ્યો..મને ખરેખર હવે યકીન થતો જાય છે કે તું છે`ને `મીઠ્ઠો` થતો જાય છે, `ગે` થતો જાય છે..તને ખબર છે અલ્યા કે તારી જોડે આમ એકલો એકલો રીવરફ્રન્ટ ઉપર રખડું છું ને લોકો મને પૂછતા થઇ ગયા છે કે તું `બાયો` છે બે ..?
દીપ અકળાઈ ને બોલ્યો..ઠીક છે જો એવું જ છે તો ચલ સાઈડ પર ઉભી કર ,હું ઉબર કરી લઉં તો પછી ..તારી ઉપર આટલો મોટો ઈલ્ઝામ જમાનો લગાડતો હોય તો..તને મારાથી બદનામ થોડો થવા દેવાય ..ચલ ચલ ઉભી કર બાઈક ગેલફાડ્યા..
શુભમ વધારે કંટાળી ને બોલ્યો ..કર્યા ને તે મીઠ્ઠા વેડા ફરી પાછા .. અલ્યા આવું તો છોકરીઓ પણ ન`હિ કરતી , તું તો યાર લીધી લત મુકતો જ નથી અને એ પણ રીવરફ્રન્ટ જવાની તો ક્યારેય નથી મુકતો ,શું દાટ્યું છે તારું ત્યાં મને એ જ નથી ખબર પડતી..ત્રાસ છે તો યાર ..
એટલું બોલી ને શુભમે એની સાડા ત્રણસો સીસીની બાઈક ને પાછી વાળી ,અને જજીસ બંગલોવાળા રોડે એની બાઈક નાખી , અને બોલ્યો કોણ જાણે તને શું સ`વાદ આવે છે ત્યાં , ઉજ્જડ માણેક બુરજ ની બાજુમાં જઈને બેસવામાં..? ગયા જનમમાં પેલી તારી મીશા`ડી ત્યાં રેહતી તી ..?
મીશા નું નામ સાંભળ્યું એટલે દીપ અકળાયો અને બોલ્યો એ મીશા ને વચ્ચે નહિ નાખવાની જો શુભલા..
ચાલુ બાઈકે થોડી બાઈક ની સ્પીડ ધીમી કરી ને શુભમ વધારે અકળાઈ ને બોલ્યો..અલ્યા દીપ તું આપણે નવમાં ધોરણથી એને ઝાંખ્યા કરે છે, અને હવે તો કોલેજનું છેલ્લું વર્ષ આવ્યું `બે , તારે એને જે કેહવા કરવા નું હોય એ બધું પતાઈ દે , એનો બાપો ત્રણ-ચાર વર્ષમાં એને પૈણાઈ દેશે ..અને તું બચું ભ`ઇ લટકતો રહી જઈશ ટોપા ..!!
– શૈશવ વોરા
Previous Page | Next Page