એક છોક્કરી એ…
ગામ ગાંડું કર્યું ..પબ્લીસીટી..પબ્લીસીટી..પબ્લીસીટી..
શહીદની છોકરી એમ બોલે કે મારા બાપને યુધ્ધે “માર્યો” દુશ્મને નહિ..!
ઘણી નાની ઉંમરમાં “જ્ઞાન” લાધ્યુ આ છોડીને તો..!
યુદ્ધ તો બહુ જ ખરાબ છે ભગવદ ગીતા,પાંચ ગામ ..સોય નું નાકું અને એટલી જમીન..સીતાનું હરણ ,રામ નો પત્ની “મોહ”.. છોડી દીધી હોત તો શું વાંધો હતો એમાં શું થઇ ગયું ? એક” સ્ત્રી” માટે આટલો બધો સંહાર કર્યો..?આખું યુદ્ધ લડ્યા.? અરે રાજપૂતાણીઓ એ તો સાવ ખોટા જૌહર કર્યા..!
કોઈ લડવા આવે તો યુદ્ધ તે કઈ કરવાની વસ્તુ છે..?જે જોઈતુ હોય તે આપી દેવાનું..?
પણ અલી છોડી તને તો કોઈએ ખોટી ખોટી ધમકી આપી “બળાત્કાર”ની તો શેની આઘી પાછી થઇને પોલીસ પ્રોટેક્શન માંગ્યું ..?
દંભ..દંભ..દંભ..
નાની કલીપ મૂકી ત્યાં સુધી ઠીક હતુ કોઈને પણ એમાં વાંધો નોહતો..
યુદ્ધ એ કોઈ શોખથી રમાતી ક્રિકેટ કે હોકીની રમત નથી..!
યુદ્ધ છેડતા પેહલા જે સત્તાધીશોને “થર્ડ ગ્રેડ”ના કીધા એ પણ હજ્જારો વાર વિચારતા હોય..
ગામની ગાંગલી ને પણ એટલી તો ખબર હોય કે બાજુ વાળી રમલી જોડે બાઝવા જતા પેહલા થોડી તૈયારી અને ઝઘડો “જમાવવાનું” ચોક્કસ કારણ હોય તો જ બલોયા ચડાવીને પેહલો ઘાંટો પાડવો..!
આ તો દિલ્લી યુનીવર્સીટીમાં તાપણું બળતું હતું તો બાપના નામે ચરી લીધું..!
સામસામે ચાલી,પાછા સળંગ ડાહ્યા અને દોઢ ડાહ્યા ,અડધા ડાહ્યા ,સાજોગાંડો, જેટલા ને મન થયું બધા તૂટી પડ્યા..! અને બાકી હતું મહામહિમએ પણ સલાહ આપી “ભારતમાં અસહિષ્ણુતાની જગ્યા નથી.”
અરે ભાઈ કઈ અસહિષ્ણુતા.? ભારતના ટુકડા કરવાની અસહિષ્ણુતા?કાશ્મીરને પાકિસ્તાનને આપી દેવાની અસહિષ્ણુતા? અને આઇએસઆઇએસ ને હિન્દુસ્તાનમાં લાવીને આખું સંઘીય માળખું તોડી નાખવાની અસહિષ્ણુતા..? શું બધાએ બુરખા પેહરી અને અરબસ્તાની પોહળા પોહળા કપડા કે પછી ટૂંકા પાયજામા અને લાંબો કુર્તો પેહરી અને મદરેસામાં જ જવાનું..? બધી સાયન્સની લેબોરેટરીને તાળા મારવાના..? ઈસરોને બંધ કરીને બધાએ “જેહાદ” કરવા જવાનું છે..? જન્નતની હૂરો જોડે…
ઈરાદો શું છે ? છેક ભગતસિંહથી ચાલુ કરવાનું ? અલ્યા “નખ્ખોદિયા” નામ લેવાની પણ ઓકાત નથી તમારી ભગતસિંહનું..
આ બધાની વચ્ચે એક મુદ્દો નીકળી ને આવે છે કે કોણ છે આ બધાની પાછળ..? શું ભારતની એક જમાનામાં ચાલતી અહિંસક મુવમેન્ટ (આઝાદીની અહિંસાની વાત નથી કરતો,ત્યારે તો સંજોગ એવા હતા કે હિંસા કરવી હોય તો પણ તાકાત રહી નોહતી,રાષ્ટ્ર પડી ભાંગ્યું હતું બધું બેહાલ હતું અને એમ. કે. ગાંધી એ પોતે કહ્યું હતું કે “અહિંસા એ કાયરનું હથિયાર નથી ” પણ કાયરતા મનમાં હોય ભારત મનથી મક્કમ હતું, પણ શરીરમાં તાકાત નોહતી રહી કદાચ એટલે પ્રજાના તાકાતવર “મન” ને પાનો ચડાવવા આવું સ્ટેટમેન્ટ બાપુએ આપ્યું હશે..) આવી વિચારધારાને પાળે છે અને પોષે છે..?
શું ફરી બલીપ્રથા ચાલુ કરી અને પ્રજાને હિંસાને રવાડે ચડાવવી પડશે..?
ગુરમેહર કૌરના કેસમાં તો એણે કીધું એ સાચું હોય તો જયારે એ છ વર્ષની હતી ત્યારે એણે એક બુરખા પેહરેલી સ્ત્રીને ચપ્પુ મારાવાની કોશિશ કરી હતી, અને કદાચ છ વર્ષની છોકરીનું એગ્રેશન જોઇને એની નજીકના લોકો એ ગુરમેહર કૌરની નફરતને નાનપણથી પાકિસ્તાનને બદલે યુદ્ધ તરફ વાળી હોય અને અત્યારે એ દેશદ્રોહી તત્વોનો હાથો બની ગઈ હોય એવું બને..!
બોલવાની આઝાદીના નામે ભારતના ટુકડા કરવાના સુત્રો બોલાય તો પછી એને દેશદ્રોહ જ કેહવાય..વધારે પડતી શંકાનો લાભ આપવાની જરૂર નથી,પણ જયારે આખા દેશમાં JNU ,DU માં થયેલી ઘટનાના પડઘા પડે છે ટીવી ચેનલો એમના પ્રાઈમ ટાઈમ ના ભોગ આપી આપી ને કવરેજ આપે છે અને છત્તા પણ કેમ આજ સુધી કોઈ એકાદ માણસ પર પણ દેશદ્રોહનો ખટલો ચાલુ થયો નથી..?
શું આ બધું ABVP અને એની સામે પડેલા બીજા સંગઠનો એકબીજાને “ચીડવવા” કરી રહ્યા છે..? અને ન્યુઝ ચેનલો અને છાપાઓ ખાલી આપણને “મસાલો” પૂરો પાડી રહ્યા છે ? DUનું પોસ્ટર ખતરનાક હતું પણ પછી એક્શન શું ?
કનૈયાકુમારના ભાષણને પણ વર્ષ નીકળી ગયું અને હવે તો એ છેક ડો સંવીત પાત્રા જોડે એક મંચ પર બેઠેલો હોય અને ચર્ચા કરતો બતાડતી કલીપો ફરતી થઇ ગઈ છે..
એટલે શું એકાદવાર કાશ્મીર મુદ્દે ક્યાંક ભારત સરકારનો વિરોધ કરી અને પછી દેશ આખા પર ચડી વાગવાનું એમ ? નેતા થઇ જવાનું..? અને સરકાર એને નેતા તરીકે સ્વીકારી પણ લે છે..!
બહુ જ સેહલો રસ્તો છે “નેતા” થવાનો, પણ આવી રીતે પેદા થયેલા નેતાઓ ઉકાળશે શું..?
JNU-DU માં થતા કાંડ આખા દેશમાં પડઘાય છે અને દેશના તમામ બીજા મુદ્દા હાંસીયે ધકેલાઈ જાય છે,અને બાકી હોય એમ જયારે ગૃહ ચાલુ હોય ત્યારે પણ એનો ઘણો સમય આવા ફાલતુ મુદ્દા ખાઈ જાય છે..
રસ્તો એક જ છે ક્યાં તો ન્યાયિક પ્રક્રિયાને થોડી તેજ કરીને આ બધાને અંદર ઘાલો અને નહિ તો પછી બધા ભેગા થઈને ઇગ્નોરનું બટન દબાવો એટલે પત્યુ..
જેમ અમદાવાદમાં ઘેર બેઠેલા આપણને કઈ ખબરના પડે એમ આખા દેશને ટીવી અને છાપા વાંચ્યે ત્યાં JNU-DUમાં ખરેખર શું ચાલે છે એનો સાંધો મળે એમ નથી,
સોશિઅલ મીડિયાને પણ હવે વ્યવસ્થિત રીતે વાપરવાનું ચાલુ થઇ ગયું છે, બોલે એની પબ્લીસીટી થઇ જાય તેમ છે અને એ બધું બાજુ પર મુકો તો એક સીધી સદી આપણી કેહવત “જેણે મૂકી લાજ એનું નાનું સરખું રાજ”
એકવાર મનથી નક્કી કર્યું કે આપણે કૈક “નેતા” બનવા બહાર આવવું છે તો પછી આવા રસ્તા ઘણા છે ,નેતા ના બનાય તો “વહીવટીયા” બનાય અને વહીવટીયા ના બાની શકીએ તો પછી એક “સાઈઝેબલ” ગુંડો કે ગુંડી તો ચોક્કસ બની શકાય છે..અને જમીનોની કે ફ્લેટોની દલાલી થાય..!
કેટલી જોરથી અને તાકાતથી સામે પાડો છો એ જ સામે તમને “ફળ” આપી જાય..
કનૈયો ખોવાઈ જવો જોઈતો હતો, પણ છે અસ્તિત્વમાં એટલે ક્યાંક રાજકીય ભવિષ્ય જીવે છે અને ગુરમેહર કૌર એ ટેમ્પરરી એક્ઝીટ લીધી છે પણ હવે એને પ્રોપર રાજકીય “ગુરુ” મળી જશે અને બરાબર “ટ્રેનીગ” લઈને સામી આવશે..
ગુજરાતની ચુંટણીના લખાણો દિવાલો પર આવી ગયા છે..ગુરમેહર કૌર અને કનૈયાકુમાર જેવો નવો પેદા થયેલો નેતાઓનો “ફાલ” ગુજરાતમાં પણ ઉતર્યો છે જોઈએ હવે કોણ કેટલું કાઠું કાઢે છે..!
આપનો રવિવાર શુભ રહે
શૈશવ વોરા
www.shaishavvora.com
