સોશિયલ/ ઓગસ્ટ 23, 2020/

??

સૌ પેહલા તો બધાને મિચ્છામી દુક્કડમ..!!
જાણતા અજાણતા પોહચાડેલા દુઃખ બદલ માફી ..! ક્ષમા..!!
હવે..?
ફરી ચાલુ, દુઃખ પોહચાડવાનું ,એમાં શું વળી ..?
મિચ્છામી દુક્કડમ કહી તો દીધું વળી પછી શું છે..?
એક પરંપરાના ભાગ રૂપે કહી દીધું પણ મિચ્છામી દુક્કડમ કીધા પછી જીવનમાં કોઈ બદલાવ લાવવાની ઈચ્છા ખરી ?
હરગીઝ નહિ.. હમ નહિ સુધરેંગે અને હર સાલ મિચ્છામી દુક્કડમ કરતે રહેંગે ,
એક માફી માંગને કી મહાન પરંપરા કો નિભાતે રહેંગે .. માથાકૂટ કરને કા નઈ..!! ખરેખર ક્યારે કોઈની સામે થી જઈને માફી માંગી છે ખરી ? અરે માફી માંગવી પડે એવું કામ કરવાની પણ હિંમત છે ખરી ? આજે સવારથી એવી એવીગાયોના મિચ્છામી દુક્કડમ ના મેસેજ આવે છે અને મને એમ થાય કે યારગૌતું શું કામ માફી માંગે છે , નથી તું કોઈ ને નડતો, તો પછીઅડવાની વાત તો દૂર રહી, તો પછી તું શું કામ માફી માંગે છે..? પણ લોલમ લોલ ..!! ક્ષમા આપવા કે લેવા માટે કૈક એવા કામ કરવા પડે જે સામાજિક બંધનો ને માન્ય ના હોય..!! એક બે ઉદાહરણો .. છેલ્લા ત્રણ દિવસમાં ચાર પાંચ સીન એવા જોયા કે મગજ ને કષ્ટ આપવું પડ્યું..!! એક બે સીન એવા હતા કે જેમાં ગાય સાવરણી લઈને ચાવવા માંડી હતી ને દુકાનદારો ગાયો ને મારી ને સવારણી પાછી ઝુંટવી લઇ રહ્યા હતા..!! બીજો સીન એવો હતો કે કેળા ની લારીએ થી વાંદરા કેળા “તફડાવી” લઈને ભાગ્યા હતા.. પછીના સીન એવા હતા કે સમડી એક કાચીંડા ને એના પંજામાં દબાવી ને ઉડી ગઈ, એવી જ રીતે એક કાબરે ગરોળીના બચ્ચાને પ્રેમથી ઉપાડી ને ઉડી ગઈ અને બીજી ચાર પાંચ કાબરો જોડે ભેગા બેસી ને “જયાફત” ઉડાવી..! ઓવર ઓલ આપણી ભાષામાં બધ્ધા એ “મફત” નું ખાધું ..! હક્ક ખરો ? મફત નું ખાવાનો ? આ બધા સીનમાં કોણે કોની માફી માંગવી ? એક ધંધાકીય મિત્ર છે મને કહે કે મારા બે ચાર ઘરાકો એમ કહે છે કે અત્યારે અમને માફ કરો , લોકડાઉન પેહલાના રૂપિયા ધીમે ધીમે આપીશું અત્યારે એ ભૂલી જાવ ,પણ નવો માલ લઈશું એના રૂપિયા સમયસર આપીશું..! કોઈ સામ્યતા ખરી સાવરણી ઝુંટવી ને ખાઈ લેતી ગાય અને અને પેલા મિત્રના ઘરાકોમાં..? “ક્ષમા વીરસ્ય ભૂષણમ” કરવા જાવ તો ? રૂપિયાના મામલામાં “વીર” બનવા જઈએ તો શું થાય ? માણસ સિવાયની સૃષ્ટિમાં માફી માંગવાના અને આપવાના રીવાજ ખરા ? અને કદાચ કોઈકે કોઈક જીવને માફ કરી દીધા હોય એવા જીવને પછી ફરી જીવવા દે છે ખરા માફ કરી દીધેલા..? મોટેભાગે જેને માફ કરો છીએ એ બમણા જોર થી પાછો આવે છે અને પત્તરફાડે છે..! હું તો એક આવી માફા-માફી કરનારી ભયંકર નોટ ને ઓળખું છું , બજારમાં એના જીવનમાં ત્રણ ત્રણ વાર માફા-માફી કરી ને હવે અત્યારે લેટેસ્ટમાં ગૌશાળા ચલાવે છે , ચોથો રાઉન્ડ માફી નો..!! પેહલા રાઉન્ડમાં તમામ સપ્લાયરના અમુક ટકા રૂપિયા કાપ્યા અને રીતસર બે હાથ જોડી ને બંને ભાઈઓ ઉભા રહે સજળ નેત્રે, બીજા રાઉન્ડમાં લાઈન બદલી પણ સ્ટાઈલ એ જ , સજળ નેત્રે હાથ જોડવા ના અને ત્રીજા રાઉન્ડમાં ત્રીજી લાઈન પકડી ફરી પાછી એની એ જ સ્ટાઈલ..! હવે આજકાલ નવા ધંધામાંએકલી ગાયોના તબેલામાં બહુ કમાણી છે (એકલી ગાયો નો તબેલો એટલે એમાં ભેંસ નાં હોય.. ) એવું સાંભળ્યું છે , બહુ બધા લોકોગીર ની ગાય,ગીર ની ગાયકરીને તબેલા ખોલી ને બેઠા છે અને એકદમ ચોખ્ખું દૂધ અને ઘી વેચે છે..! ડબલ ભાવે હો અમુલ કરતા..!! અને આપણી નોટ ગૌશાળા ની ગૌશાળા ને તબેલા નો તબેલો..!! હાથ જોડવાના તો હવે ગાયો ની સામે જ જોડવાના .. માફ કરજે હો માડી તારા વાછરડા ને હું ધાવવા નહિ દઉં એટલે એની રોગ પ્રતિકારક શક્તિ ઓછી થશે ને વર્ષ બે વર્ષમાં વાછરડો ઉકલી જશે ત્યારે ફરી માફી માંગી લેશે પ્રભુ આમારાથી ભૂલચૂક થઇ હોય તો માફ કરજે..!!
પણ વાછરડી થઇ તો ..? ધરાઈ ને ધાવવા દેવાની એ બે વર્ષે મરી જાય એ થોડી ચાલે ?
માફી માંગવાની જરૂર ખરી ? તબેલા કમ ગૌશાળા ચલાવતા ભાઈઓ ને ?
મારો ઓપીનીન સ્પષ્ટ ના..!!
સાવરણી ઝુંટવી ને ગાય સાવરણી ખાઈ જાય કે કેળા ની લૂમ ઝુંટવી ને વાંદરો ખાઈ જાય તો એણે વળી શેની માફી માંગવાની ?
એ જ રીતે સમડી કાચીંડો ખાઈ જાય કે કાબર ગરોળી ખાઈ જાય તો શું કાબર એ માંફી માંગવાની ..?
હા પણ ઊંધું થાય કે વાંદરું કે ગાય ગરોળી ખાઈ જાય અને સમડી-કાબર કેળું ખાઈ જાય તો માફી ચોક્કસ માંગવાની ..
પોતાની પ્રકૃતિથી વિરુદ્ધ જઈ ને કોઈ કામ થાય ત્યારે માફી નો અવસર પ્રાપ્ત થાય, બાકી તો દરેક વાતે અને વર્ષે અમથા અમથા માફી માંગતા હરામી ને કોઈ જરૂર જ નથી માફી માંગવાની..!!
તબેલા કમ ગૌશાળા ચલાવી રહેલા સમડા ને વળી માફી માંગી ને કામ શું છે ? તારી પ્રકૃતિ જ છે તું ગરોળી જ ખાવા સર્જાયેલો છે..!!
ઈશ્વર દત્ત પ્રકૃતિ અને સંસ્કારોની બાહર જઈએ અને કોઈ ને નડીએ કે અડીએ ત્યારે માફી માંગવાનો પ્રસંગ આવે..!
છેલ્લે એક સવાલ એવો પણ થાય કે મારી સાવરણી ગાય ઝુંટવી ને ખાઈ જાય તો મારે ગાય ની માફી ના માંગી લેવી જોઈએ ? ગાય ના ભાગ નું હું મનુષ્ય ઝાપટી ગયો એટલે ગાય બિચારી ભૂખી રહી ગઈ ?
ના ..
માણસજાત ઘણા વર્ષથી આ ધંધા કરતી આવી છે દોહન અને શોષણની ભેદરેખા પોતાની જાત્તે દોરે છે ..
સબળા અને નબળાની ટક્કરમાં માફી નો સવાલ જ નથી, સબળા અને સબળા ની ટક્કરમાં જ માફી ની વાત આવે છે , અને માફી આપ્યા પછી મરવા ની તૈયારી રાખવી જ રહી..!
હું તો કોઈ કારણ વિના કોઈ માફી માંગે એટલે ડબલ સાવધાન થઇ જાઉં છું ,
અલ્યા કેમ..? આ “સમડી-કાબર” કેમ ઘાસ ખાઈ રહી છે આજે ?
વિચારજો..!! માફી માંગવા નો દિવસ છે તો માફી કેમ માંગી રહ્યો છું ? અને એવું પણ ખરું કે મહાન પરંપરા નિભાવી ને હું પણ મહાન થઇ જવાના કોઈક દંભમાં નથી જોડાતો ને..?
શાસ્ત્રાર્થ બહુ થયા છે આ મુદ્દે પણ હજી સુધી માફી માંગવી જ ના પડે એવા આદર્શ સમાજ નું નિર્માણ થઇ શક્યું નથી એટલે આ મુદ્દે સામસામી ચાલ્યા કરશે..!!
આપણને તો ઘણીવાર શબ્દો થકી ઘણા ને દુભવ્યા છે અને ઘણીવાર નડ્યા પણ છીએ લોકો ને, લોકો ને નડવા નો આસુરી આનંદ પણ લઉં છું એટલે માફી માંગવી રહી..!!
ખાલી ખાલી જમાઈ જાત્તે વખાણ કરે કે ગૌ જેવો માણસ , તો ખોટું ,અને બીજો પણ કહી જાય તો પણ ખોટું..!
એટલે મિચ્છામી દુક્કડમ કરવું જ રહ્યું ..!! ઠેસ પોહચાડવા ની વાત દૂર પ્રેમથી ફૂટબોલ લોકો ને બનાવી ને લાતાલાતી કરી છે..!!
મિચ્છામી દુક્કડમ બકા..
આપનો રવિવાર શુભ રહે

શૈશવ વોરા
(ચેતવણી :- આ બ્લોગને પોતાના નામે કે પછી મૂળ લેખકના નામ વગર કે તેમાં કોઈપણ જાત ના ચેડા કરીને મુકવો તે સંપૂર્ણપણે ગેરકાયદેસર છે , જે કોઈ વ્યક્તિ તેવું કરશે તો કોપીરાઈટ એકટ નો ભંગ ગણાશે અને તે પ્રમાણે કરનાર સામે કાયદેસર કાર્યવાહી ચોક્કસ કરવામાં આવશે..)